![ზურაბიშვილი: მკაცრად ვგმობ ლუკაშენკოს "ოფიციალურ შეხვედრას" ასლან ბჟანიასთან](/uploads/news/სალომე_ზურაბიშვილი_958455465656456.jpg)
საქართველოს პრეზიდენტი სალომე ზურაბიშვილი მკაცრად გმობს ბელარუსის პრეზიდენტის ალექსანდრ ლუკაშენკოს "ოფიციალურ შეხვედრას" ოკუპირებული აფხაზეთის ე.წ პრეზიდენტთან, ასლან ბჟანიასთან.
"მკაცრად ვგმობ მინსკში ალექსანდრ ლუკაშენკოს "ოფიციალურ შეხვედრას" ოკუპირებული აფხაზეთის ე.წ. "პრეზიდენტთან".
ლუკაშენკოს სოხუმში ვიზიტის შემდეგ, რომელიც საქართველოს ოკუპირებული ტერიტორიების შესახებ კანონის უგულებელყოფა იყო, ეს არის საქართველოს სუვერენიტეტისა და ტერიტორიული მთლიანობის კიდევ ერთი აშკარა დარღვევა", - წერს ზურაბიშვილი Twitter-ზე.
Following Lukashenko's visit to Sokhumi, which disregarded the Georgian Law on Occupied Territories, this constitutes another blatant violation of ’s sovereignty & territorial integrity
ოკუპირებული აფხაზეთის დე ფაქტო პრეზიდენტი, ასლან ბჟანია მინსკში ბელარუსის პრეზიდენტს, ალექსანდრ ლუკაშენკოს შეხვდა.
ბელარუსის ლიდერმა ბჟანიას სტუმრობისთვის მადლობა გადაუხადა. თვითონ ლუკაშენკო ოკუპირებულ სოხუმში 28 სექტემბერს ჩავიდა.