საქართველოს ფეხბურთის ფედერაცია კორონავირუსის გამო, ყველა ჩემპიონატს აჩერებს.
ამის შესახებ ფედერაციის განცხადებაშია აღნიშნული:
"მსოფლიოში და ქვეყანაში კორონავირუსთან დაკავშირებით განვითარებული მოვლენებიდან გამომდინარე, საქართველოს ფეხბურთის ფედერაციამ მიიღო გადაწყვეტილება, სფფ-ის ეგიდით გამართული ყველა ჩემპიონატის, მათ შორის, კრისტალბეთ ეროვნული ლიგის, კრისტალბეთ ეროვნული ლიგა 2-ის, ლიგა 3-ის, ასევე ასაკობრივი ჩემპიონატების 1 აპრილამდე შეჩერების თაობაზე. ფეხბურთის ფედერაციის მთავარი პრიორიტეტი ჩვენი ფეხბურთელებისა და გულშემატკივრის ჯანმრთელობა და უსაფრთხოებაა", - ნათქვამია განცხადებაში.
შეგახსენებთ, ბოლო მონაცემებით, საქართველოში კორონავირუსის 23 შემთხვევაა დაფიქსირებული.
დახურვა