კორუფციის ჭაობი - დროება

ელიტური კორუფცია - თითქოს უკვე მივეჩვიეთ, რომ საქართველოში ეს ნორმაა. ვფიქრობთ რომ ეს ჩვენ არ გვეხება, დიდი ამბავი ვიღაც ჩინოვნიკი, რაღაც ტენდერიდან ფულს თუ "დაიატკატებს", დიდი ამბავი ბიუჯეტიდან ვიღაცა რაღაცას გაბერილი ფასით თუ იყიდის, დიდი ამბავი ნათესავს ან მეგობარს თუ მისცემს ჩინოვნიკი სახელმწიფო ფულს გზის დასაგებად - გზა ხომ მაინც დაიგება?! ეს ჩვენ რანაირად გვეხება? არადა გვეხება, პირდაპირ არის კავშირში საქართველოს მოქალაქეების გაღარიბებასთან, პირდაპირ არის კავშირში საქართველოს მოქალაქეების დაყოფასთან გავლენიანებად და რიგითებად, პირდაპირ არის კავშირში ნიჰილიზმთან. დროება მოგიყვებათ როგორ გვპარავენ ჩვენივე ფულს ჩინოვნიკები და როგორ მდიდრდება უკანონოდ პოლიტიკური ელიტა, ქვეყნის და თითოეული მათგანის გაღარიბების ხარჯზე.