„შპს ვარკეთილი დეველოპმენტთან“ დაკავშირებით, რომელსაც ე.წ. ხრუშჩოვკების პროექტი უნდა განეხორციელებინა, დაწყებულია გამოძიება და ანტიკორუფციული სამსახური მიწის ნაკვეთის გადაცემის დეტალებს სწავლობს.
კითხვით სახელმწიფო უსაფრთხოების სამსახურს პოლიტიკურმა გაერთიანება „ტრიბუნამ" მიმართა და მიიღეს ოფიციალური განმარტება, რომ კომპანია „შპს ვარკეთილი“ დეველოპმენტთან დაკავშირებით, რომელსაც უნდა განეხორციელებინა ე.წ.ხრუშოვკების პროექტი ვარკეთილის ტერიტორიაზე, მიმდინარეობს გამოძიება და ანტიკორუფციული სამსახური სწავლობს მიწის გადაცემის დეტალებს. თავად „შპს ვარკეთილი“ „არქი ჯგუფის“ შვილობილი კომპანიაა, „არქი ჯგუფი“ კი ივლიანე წულაიას ანუ „ქართული ოცნების“ დეპუტატის ოჯახს ეკუთვნის. ყოველთვის როდესაც სახელდება „არქი ჯგუფი“ იქვე ჩნდება კითხვები კახა კალაძესთან დაკავშირებით, იმიტომ რომ ივლიანე წულაია კახა კალაძის მეჯვარე და ბავშვის ნათლიაა.
„ყელამდე კორუფციაშია კახი კალაძე,“ - ამის შესახებ განცხადებას თბილისის საკრებულოს „ნაციონალური მოძრაობის“ წევრი ლევან ხაბეიშვილი აკეთებს. მისი განცხადებით, ივანიშვილი და კალაძე ორი ყაჩაღი მოსახლეობის ქონებას ვერ იყოფს და ერთმანეთს არიან დარეულები.
„ის, რომ კახი კალაძეს და მის ნათელმირონზე წულაიაზე საქმის გამოძიებაა დაწყებული და ეს საქმე ეხება 16 მილიონი ლარის ქონების 1 ლარად ჩუქებას მის ნათელმირონისთვის, ეს ვიცით. ბიძინა ივანიშვილი და სუს-იც კი ვერ გაექცა, რომ ამაზე გამოძიება არ დაწყებულიყო. ყელამდე კორუფციაშია კახი კალაძე. ორი ყაჩაღი ვერ იყოფს მოსახლეობის ქონებას და დაერივნენ ერთმანეთს,“ - განაცხადა ლევან ხაბეიშვილმა.
დახურვა