საქართველოს მთავრობის ადმინისტრაციის უფროსი ნათია მეზვრიშვილი თვითიზოლაციაში გადავიდა.
როგორც მეზვრიშვილი Facebook-ის საკუთარ გვერდზე წერს, მას კოვიდინფიცირებულთან ჰქონდა კონტაქტი.
გუშინ, 1 ნოემბერს, ცნობილი გახდა, რომ კორონავირუსით ინფიცირებულ დაცვის თანამშრომელთან კონტაქტის გამო თვითიზოლაციაში იმყოფება პრემიერ-მინისტრი გიორგი გახარია.
კოვიდ-19 დღეს პრემიერის პირადი დაცვის კიდევ ორ თანამშრომელს დაუდასტურდა.
ბოლო მონაცემებით, ქვეყანაში კორონავირუსის 42579 შემთხვევაა გამოვლენილი. აქედან 26800 პაციენტი ვირუსისგან განიკურნა, 342 კი გარდაიცვალა. ამ დროისთვის კარანტინის რეჟიმში იმყოფება 2 977 მოქალაქე, ხოლო სტაციონარში მეთვალყურეობის ქვეშ - 4 293. 2 236 ადამიანი კოვიდ სასტუმროებშია მოთავსებული.
დახურვა