2 ივლისის ღამეს რუსეთის საოკუპაციო ძალებმა კიევს დრონებით შეუტიეს - უკრაინის საჰაერო თავდაცვამ ყველა მათგანი ჩამოაგდო. საჰაერო ძალების ცნობით, ოკუპანტებმა 8 ირანული წარმოების შაჰიდის ტიპის დრონი გამოიყენეს.
"მტრის კიდევ ერთი თავდასხმა კიევზე. ამჯერად მტერმა უპილოტო საფრენი აპარატები გამოიყენა. ამ თვის დასაწყისიდან და ბოლო 12 დღის განმავლობაში კიევზე ირანული დრონებით პირველი თავდასხმაა", - განაცხადა კიევის საქალაქო სამხედრო ადმინისტრაციის ხელმძღვანელმა.
ბოლო ინფორმაციით, ოკუპანტების თავდასხმის შედეგად, კიევის რეგიონში რამდენიმე შენობა დაზიანდა, ხოლო დრონების ნამსხვრევებით ერთი ადამიანი დაშავდა.
დახურვა