პროკურატურის მოთხოვნით, აღკვეთი ღონისძიების სახით 20 000 ლარი გირაო შეეფარდა პირს, კონსტანტინე ნატროშვილს, რომელმაც მცხეთაში, რესტორან მარანი ჰოლში ცეცხლსასროლი იარაღიდან რამდენჯერმე ისროლა.
კაცს ბრალი სისხლის სამართლის კოდექსის 236-ე მუხლის მე-3 ნაწილით აქვს წარდგენილი, რაც ცეცხლსასროლი იარაღის მართლსაწინააღმდეგო შეძენას გულისხმობს. დანაშაული 3-დან 6 წლამდე ვადით პატიმრობას ითვალისწინებს.
შინაგან საქმეთა სამინისტროს მიერ ჩატარებული გამოძიებით დადგინდა, რომ კაცმა 7 ივნისს მარანი ჰოლში ყოფნის დროს, სხვის სახელზე რეგისტრირებული AERO PRECISION X15-ის მოდელის ცეცხლსასროლი იარაღიდან უკანონოდ რამდენჯერმე გაისროლა. მათივე ცნობით, იარაღი იმავე ღამეს ამოიღეს.
დახურვა