რუსეთის პრეზიდენტი, ვლადიმირ პუტინი ამბობს, რომ არსებული ვითარება ქვეყნისთვის გამოცდაა. ამასთან, მთავრობის კაბინეტის წინაშე სიტყვით გამოსვლისას, პუტინმა განაცხადა, რომ "ოპერაცია წარმატებით" ვითარდება.
"არსებული სიტუაცია - რა თქმა უნდა, გამოცდაა ყველა ჩვენგანისთვის. დარწმუნებული ვარ, ჩვენ ყველანი მას ღირსეულად გავივლით - შრომით, ერთობლივი მუშაობითა და ურთიერთდახმარებით გადავლახავთ ყველა სირთულეს და გავხდებით უფრო ძლიერები, როგორც ეს ყოველთვის იყო რუსეთის ისტორიაში", - თქვა პუტინმა.
უკრაინაში ომის დაწყების შემდეგ რუსეთსა და ხელისუფლების წარმომადგენლებს ეკონომიკური და ფინანსური სანქციები დაუწესეს. ასობით კომპანიამ რუსეთის ბაზარი დატოვა, ათასობით მოქალაქემ კი ქვეყნიდან წასვლა გადაწყვიტა.
დახურვა