რუსეთის შინაგან საქმეთა სამინისტროს საძიებო ბაზაში ამერიკელი სენატორის ლინდსი გრეჰემის ბარათი გამოჩნდა. აქედან გამომდინარეობს, რომ სენატორი სისხლის სამართლის მუხლით იძებნება.
"ამერიკელი სენატორის რუსოფობიური განცხადებების ფაქტზე" საგამოძიებო კომიტეტის ხელმძღვანელს ალექსანდრე ბასტრიკინს დაევალა საქმის ინიციირება.
მიზეზი უკრაინის პრეზიდენტის ვოლოდიმირ ზელენსკის და გრეჰემის შეხვედრის ვიდეოჩანაწერი გახდა, რომელშიც სენატორი თითქოს აცხადებს, რომ ომში რუსების დაღუპვა აშშ-ს ფულის კარგ გამოყენებად ითვლება.
თუმცა, მოგვიანებით გაირკვა, რომ ვიდეო დამონტაჟდა და შეხვედრის სრულ ჩანაწერზე გრეჰემის ფრაზები რუსების დაღუპვისა და ფულის ინვესტიციის შესახებ ერთმანეთის მიყოლებით არ ყოფილა.
დახურვა