რუსეთის თავდაცვის სამინისტრო ადასტურებს, რომ ჩაპლინოს რკინიგზის სადგურზე იერიში მიიტანა, თუმცა ამტკიცებს, რომ დარტყმის შედეგად უკრაინელი სამხედროები მოკლეს.
რუსეთი ამტკიცებს, რომ დაიღუპა 200-ზე მეტი სამხედრო და განადგურდა 10 ერთეული ტექნიკა, ხოლო დარტყმა ისკანდერის რაკეტით განხორციელდა.
უკრაინის ხელისუფლებამ ჩაპლინოს სადგურიდან განადგურებული მატარებლის ფოტოები გამოაქვეყნეს. მათი ინფორმაციით, დაიღუპა 25 მშვიდობიანი მოქალაქე, მათ შორის ორი ბავშვი - 11 და 6 წლის. სამხედროებს შორის დანაკარგის შესახებ კიევს არ განუცხადებია.
უკრაინის გენერალური პროკურატურა აცხადებს, რომ ადგილზე რაკეტა სმერჩისა და S-300-ის ნამსხვრევები იპოვეს, ხოლო კერძო სახლებზე დარტყმა ისკანდერებით მოხდა.
დახურვა