მოლდოვის პრეზიდენტი მაია სანდუ მოლდოვის ტერიტორიაზე რუსეთის რაკეტის ნაწილების ჩავარდნას გამოეხმაურა და განაცხადა, რომ უკრაინის წინააღმდეგ რუსეთის ომი მოლდოვაზეც ახდენს გავლენას.
სანდუმ დაგმო რუსეთის მხრიდან უკრაინაზე გაძლიერებული თავდასხმები და დნიპროში დაღუპულების ოჯახებს მიუსამძიმრა.
„რუსეთის სასტიკი ომი უკრაინის წინააღმდეგ კვლავ პირდაპირ გავლენას ახდენს მოლდოვაზე. მოლდოვის სასაზღვრო პოლიციამ იპოვა რაკეტის ნაწილები სოფელი ლარგას სიახლოვეს ჩრდილოეთ მოლდოვაში. ჩვენ მტკიცედ ვგმობთ რუსეთის მხრიდან დღევანდელ გაძლიერებულ თავდასხმებს და ვდგავართ მათთან, ვინც დნიპროსა და უკრაინის გარშემო საყვარელი ადამიანები დაკარგეს.
მშვიდობა უნდა გაბატონდეს“ - წერს მაია სანდუ ტვიტერზე.
Russia’s brutal war against directly impacts Moldova again. border police found rocket fragments near Larga village in northern . We strongly condemn today’s intensified attacks of Russia & stand with those who lost loved ones in Dnipro & across. Peace must prevail. pic.twitter.com/JhlYNExoiG
მოლდოვის შინაგან საქმეთა მინისტრის ცნობით, უკრაინაზე რუსეთის სარაკეტო თავდასხმის შედეგად რაკეტის ნარჩენები მოლდოვის ჩრდილოეთ ნაწილში ჩამოვარდა.
დნეპროპეტროვსკის ქალაქ დნიპროში რუსმა ოკუპანტებმა დასახლებულ პუნქტში 9-სართულიან საცხოვრებელ კორპუსს რაკეტა ესროლეს.
უახლესი ინფორმაციით, სარაკეტო თავდასხმის შედეგად დაიღუპა 5 ადამიანი, დაშავდა 60 - მათ შორის 12 ბავშვია.
დახურვა