საქართველოს განახლებული შანსი - დროება

შესაძლებლობების ფანჯარა, უფრო სწორად დერეფანი, რომელიც სამი ათწლეულის ლოდინის შემდეგ, საქართველოსთვის გაიხსნა. სამხრეთ კავკასიური დერეფნის სრული დატვირთვით ამოქმედებას ხელს საგარეო გეოპოლიტიკური ფაქტორები აღარ უშლის, პირიქით, ევროკავშირი მზად არის საკუთარი ენერგო უსაფრთხოებისთვის და კრემლის პოლიტიკურ ინსტრუმენტზე დამოკიდებულების შესამცირებლად რისკიც თამამად გაწიოს და დიდი ფულიც დახარჯოს. რა ხდება ამ დროს საქართველოში, უფრო სწორად რა არ ხდება? - ]ივანიშვილის დირექტივით ჩაძირულია ანაკლიის ღრმა წყლოვანი პორტის პროექტი. არადა ახლა, როცა ევროკავშირის გაცხადებული მიზანია - 90%-ით შეამციროს რუსული ენერგო მატარებლების მოხმარება, საქართველოს უნიკალური შანსი უჩნდება მისი პოლიტიკური წონის ზრდასთან ერთად უსაფრთხოება და სახელმწიფოს ეკონომიკა ხელშესახებად გაზარდოს და დააახლოოს ევროკავშირთან. დროების უფრო დაწვრილებით საქართველოს განახლებული შანსზე, რომელიც უკრაინელების გმირულმა და თავდადებულმა ბრძოლამ ჩვენს ქვეყანას მოუტანა.