სოლიდარობის დღე - შაბათის ფორმულა

სწორედ ხელისუფლების და მისი რადიკალური დანაყოფის განცხადებები, ნაბიჯები და ანტიდასავლური რიტორიკა გახდა მიზეზი, რის გამოც საქართველოს ათობით ათასი მოქალაქე, გუშინ, უკრაინის ომის წლისთავზე, კიდევ ერთხელ ქუჩაში გავიდა და ხელისუფლებას უთხრა - საქართველოს ადგილი რუსეთთან ერთად არ არის. ბოლო ერთი წლის განმავლობაში, ეს უკვე მეორე აქციაა, სადაც ამ ქვეყნის მოქალაქეები ევროპულ არჩევანს და უკრაინის მხარდაჭერას გამოხატავენ. ასეთი აქციების მრავალფეროვნება და მრავალრიცხოვნობა კი ზუსტად აჩვენებს, რომ დღეს, ამ ქვეყნის ხელისუფლება და ხალხი სრულიად განსხვავებულ მხარეს დგას.