უკრაინის რეინტეგრაციის სამინისტრომ განაცხადა, რომ 83 დაღუპული უკრაინელი ჯარისკაცის ცხედარი უკრაინაში დააბრუნეს.
"უკრაინის დროებით ოკუპირებული ტერიტორიებიდან ცხედრების გადმოსვენება განხორციელდა რეინტეგრაციის სამინისტროს უგზო-უკვლოდ დაკარგულ პირთა კომისრის ოფისის დახმარებით, სამართალდამცავ უწყებებთან თანამშრომლობით."- აცხადებენ სააგენტოში.
ამავდროულად, უკრაინის საკოორდინაციო შტაბმა გაავრცელა ინფორმაცია, რომ მან რუსეთს გადასცა ტყვედ აყვანილი 5 მძიმედ დაჭრილი რუსი ჯარისკაცი, რომელთა მდგომარეობამ მათი ტრანსპორტირების საშუალება მისცა.
"ამ შემთხვევაში საუბარია არა სამხედრო ტყვეების გაცვლაზე, არამედ რეპატრიაციაზე: მძიმედ დაჭრილი ტყვეების დაბრუნებაზე ყოველგვარი პირობის გარეშე, როგორც ამას ითვალისწინებს საერთაშორისო ჰუმანიტარული კანონი." - აცხადებს შტაბში.
უკრაინულმა მხარემ დაჭრილები საერთაშორისო ვალდებულებების შესაბამისად, ჟენევის კონვენციების 109-114-ე მუხლების გათვალისწინებით და წითელი ჯვრის საერთაშორისო კომიტეტის მონაწილეობით დააბრუნა.
რუსული მხარე პატიმრების დაბრუნებას ოფიციალურად არ ადასტურებს.
დახურვა