უკრაინის თავდაცვის სამინისტროს მთავარი საგამოძიებო დირექტორატის ინფორმაციით, უკრაინის შეიარაღებულმა ძალებმა 22 აპრილს რუსული საოკუპაციო ძალების 49-ე სამხედრო დანაყოფის შტაბი გაანადგურეს.
უკრაინის ძალების ოპერაციის შედეგად დაიღუპა 2 რუსი გენერალი, 1 კი მძიმედ დაშავდა.
უწყების ცნობით, პოსტი ხერსონის რეგიონში საბრძოლი ხაზის სიახლოვეს მდებარეობდა.
მომხდარს ადასტურებს უკრაინის პრეზიდენტის ოფისის მრჩეველი, ოლექსეი არესტოვიჩიც.
„ჩვენ გავანადგურეთ სამხედრო დანაყოფის შტაბი ხერსონის რეგიონში. იქ 50-მდე უმაღლესი რანგის რუსი ოფიცერი იყო. უცნობია, რა ბედი ეწიათ მათ, მაგრამ აფეთქება ხმამაღალი იყო“ - განაცხადა არესტოვიჩმა.
დახურვა