ქართულმა ოცნებამ პარლამენტს პრემიერმინისტრობის კანდიდატურად გიორგი გახარიას კანდიდატურა წარუდგინა.
"მოქალაქეთა პოლიტიკურმა გაერთიანებამ - „ქართული ოცნება - დემოკრატიული საქართველო“ საქართველოს პარლამენტს ქვეყნის პრემიერმინისტრობის კანდიდატად გიორგი გახარიას კანდიდატურა წარუდგინა. შესაბამის წერილს, რომელიც 12 დეკემბრით თარიღდება, ხელს პარტიის თავმჯდომარე, ბიძინა ივანიშვილი აწერს",-ნათქვამია პრესსამსახურის განცხადებაში.
ქვეყნის უახლეს ისტორიაში პირველად, 11 დეკემბერს მე-10 მოწვევის პარლამენტი ერთპარტიულად შეიკრიბა.
პარლამენტში სხდომის პარალელურად ახალგაზრდობის სასახლის წინ სხვადასხვა ოპოზიციური პარტიების წარმომადგენლებმა მანდატებზე უარს დემონსტრაციულად მოაწერეს ხელი. მემორანდუმზე ხელის მოწერა იმის კიდევ ერთხელ დადასტურებას ემსახურება, რომ ბარიერგადალახული პარტიები პარლამენტში არ შევლენ.
ხელის მოწერის ცერემონიას არ დაესწრნენ გირჩი, რესპუბლიკური პარტია და მოქალაქეები.
დახურვა