შინაგან საქმეთა სამინისტრო უარყოფს, რომ პოლიციელ თამაზ ჯოხაძეს სამსახურიდან წასვლას აიძულებენ.
უწყება ჯოხაძის მიერ გავრცელებულ ვიდეოს გამოეხმაურა, რომელშიც პოლიციელი ამბობს, რომ სამსახურიდან ახსნა-განმარტების გარეშე ათავისუფლებენ. ჯოხაძე ვიდეოში გათავისუფლების ვერსიაზეც ლაპარაკობს - ვარაუდობს, რომ მისი გათავისუფლების მიზეზი მისი სიძეა - გიორგი მეზვრიშვილი, რომელიც შიდა ქართლის დაცვის პოლიციის უფროსი იყო და ამავე დროს გიორგი გახარიას გუნდის წევრის, შს მინისტრის ყოფილი მოადგილის, კახა საბანაძის ბავშვობის მეგობარი.
შსს-ის განცხადებით, 11 აგვისტოს გორის საპატრულო პოლიციაში ხელმძღვანელების მიერ ჯოხაძესან "მისი შესაძლო დისციპლინარული გადაცდომების და უკანონო საქმიანობის შესახებ ჩატარდა გასაუბრება, რამაც გამოიწვია პატრულ-ინსპექტორის უკმაყოფილება და გაღიზიანება.
ამ ეტაპზე პატრულ-ინსპექტორი თამაზ ჯოხაძე აგრძელებს სამსახურეობრივი მოვალეობის შესრულებას. პატრულ-ინსპექტორის მხრიდან შესაძლო დისციპლინარულ გადაცდომის შესახებ შინაგან საქმეთა სამინისტროს გენერალური ინსპექციის მიერ სამსახურეობრივი შესწავლის დასრულებისთანავე შედეგები დაინტერესებული პირებისთვის ცნობილი გახდება". - აცხადებს უწყება.
დახურვა