logo
ENG



IDF: ბრძოლა ჰამასის წინააღმდეგ განახლებულია

01 დეკ 202309:28
3 წუთის საკითხავი
clock 611

ისრაელის თავდაცვის ძალების განცხადებით, ღაზის სექტორში ტერორისტული ორგანიზაცია ჰამასის წინააღმდეგ გაგრძელებულია საბრძოლო მოქმედებები.

IDF ირწმუნება, რომ ისრაელის ტერიტორიის მიმართულებით გასროლით, ჰამასმა დაარღვია სამშვიდობო ხელშეკრულებით გათვალისწინებული პაუზა.

დროებითი სამშვიდობო ხელშეკრულება დაპირისპირებულ მხარეებს შორის 23 ნოემბერს ამოქმედდა. 

რამდენიმე დღით ადრე, ეგვიპტე და ყატარი ცდილობდნენ სამშვიდობო პაუზის ორი დღით გახანგრძლივებას, რათა მძევლებისა და პალესტინელი პატიმრების გათავისუფლების პროცესის გაგრძელება შესაძლებელი ყოფილიყო.

ისრაელის ოფიციალურმა პირებმა არაერთხელ განაცხადეს, რომ საბრძოლო მოქმედებების პაუზის ნებისმიერი გახანგრძლივების პირობა იყო ის, რომ ჰამასმა უნდა გაეთავისუფლებინა დღეში 10 ისრაელელი ქალი და ბავშვი. თუმცა, შეთანხმების თანახმად, ისრაელი ათავისუფლებდა სამ პატიმარს ერთი ებრაელი მძევლის სანაცვლოდ.

შეთანხმების პირობების თანახმად, ისრაელმა გაათავისუფლა სამი პალესტინელი ყოველი გათავისუფლებული ისრაელის მძევლისთვის.


close დახურვა