სოფელ ნამახვანში ჰესის აშენებას კვლავ აპროტესტებენ. ორგანიზატორები ამბობენ, რომ აქცია მასშტაბური იქნება - დემონსტრანტებს მთელი საქართველოდან ელოდებიან.
ისინი რიონის ხეობიდან კომპანია ენკას გასვლას მოითხოვენ და ამბობენ, რომ ჰესის აშენება მთელ დასავლეთ საქართველოს შეუქმნის საფრთხეს.
ისინი 2 თებერვალს აქციის დაშლას და ჰესის ტერიტორიაზე მათ მიერ დამაგრებული ჯვრის დემონტაჟსაც აპროტესტებენ.
"105-ე ღამე გავათენეთ აქ წუხელ რიონის ხეობის მოსახლეობამ. ხვალ ველოდებით ხალხს მთელი საქართველოდან, სხვადასხვა კუთხეებიდან გვიერთდებიან. პროტესტი გაგრძელდება იქამდე, სანამ კომპანია ენკა არ დატოვებს ხეობას". - ამბობს აქციის ერთ-ერთი ორგანიზატორი.
"ჩვენი ბრძოლის შედეგად, სახელმწიფომ სააშკარაოზე გამოტანა ის, რომ რიონის ხეობის 516 ჰექტარი 99 წლით არის გადაცემული თურქული კომპანია ენკასთვის. დაემატა მთავარი მოთხოვნა - დატოვოს ენკამ რიონის ხეობა და არ აშენდეს ამხელა კაშხალი". - თქვა სხვამ.
დახურვა