საქართველოს ნაკრების ფეხბურთელმა, ლუკა ლოჩოშვილმა ბიძინა ივანიშვილის ბანკი ქართუს მიერ ნაკრებისთვის გადაცემულ 30 მილიონი ლარის შესახებ დასმულ კითხვაზე განაცხადა, რომ ფეხბურთელები "არა ფულისთვის, არამედ ქვეყნისთვის თამაშობენ."
მან განაცხადა, რომ ახლა ნაკრები არა ფულზე, არამედ ტურნირზე საქართველოს სახელით წარმატების მიღწევაზეა კონცენტრირებული.
"არ ვფიქრობ, რომ ჩვენთვის ფული ახლა მნიშვნელოვანია, ან ახლა ვინმე ფულზე ფიქრობდეს და რა თქვა [ყოფილმა] პრემიერმინისტრმა. ცხადია, ლამაზი ჟესტია, მაგრამ ჩვენ არა ფულისთვის, არამედ ჩვენი ქვეყნისთვის ვთამაშობთ. ყველაზე მნიშვნელოვანია, რომ კარგ შედეგებს ქვეყნისთვის და არა ფულისთვის მივაღწიოთ. ვფიქრობ, ყველა მოთამაშე ჩემსავით ფიქრობს", - თქვა ლუკა ლოჩოშვილმა.
ევროპის 2024 წლის ჩემპიონატზე მოხვედრის შემდეგ ბიძინა ივანიშვილის ფონდმა ქართუმ განაცხადა, რომ ქვეჯგუფიდან გასვლის შემთხვევაში, ნაკრებს 30 მილიონს გადასცემდა. ამასთან, ქვეჯგუფიდან გასვლის შემდეგ, ყოველი შემდეგი მატჩის მოგებისთვის ფონდი ქართუ ეროვნულ ნაკრებს დამატებით 30 მილიონი ლარით დააჯილდოებს.
დახურვა