სავიზო შეზღუდვა რეჟიმს

ივანიშვილის რეჟიმის წარმომადგენლები ვიზის რიგში ჩადგებიან. დიპლომატიური პასპორტების მფლობელები ევროკავშირში უვიზოდ ვეღარ იმოგზაურებენ. ბევრს ვიზაც ვეღარ დაეხმარება, რადგან სულ უფრო მეტი ქვეყანა ინდივიდუალურად ასანქცირებს ე.წ. ხელისუფლების წარმომადგენლებს. დიპლომატიური პასპორტების მოქმედების შეჩერებას სახელმწიფოებმა ელჩების დონეზე უკვე დაუჭირა მხარი. ორშაბათს კი მინისტრები დაამტკიცებენ. დიპლომატიური პასპორტების მფლობელთა რიცხვში არიან - ეგრეთ წოდებული პრემიერი, პრეზიდენტი, პარლამენტის თავმჯდომარე, სუსის უფროსი და სხვები.