უკრაინის პრეზიდენტმა ვოლოდიმირ ზელენსკიმ მოსახლეობა გააფრთხილა, რომ რუსეთი უკრაინაზე ახალ მასშტაბურ თავდასხმას ამზადებს.
„მომავალ დღეებში მაქსიმალური სიფხიზლე გვმართებს — რუსეთი მოემზადა დარტყმისთვის, მასშტაბური დარტყმისთვის და მის განსახორციელებლად შესაფერის მომენტს ელოდება.
გთხოვთ, ყურადღება მიაქციოთ საჰაერო განგაშის ყველა სიგნალს. თითოეული რეგიონი მზად უნდა იყოს მაქსიმალურად სწრაფი რეაგირებისა და ხალხის მხარდაჭერისთვის", - თქვა მან.
პრეზიდენტმა აღნიშნა, რომ უკრაინის უსაფრთხოების სამსახურის (SBU) წარმომადგენლებისგან ანგარიშები ჩაიბარა.
„გენერალ-მაიორმა ევგენი ხმარამ მომახსენა საბრძოლო ოპერაციებისა და სამსახურის შემდგომი საკადრო რეორგანიზაციის შესახებ. მე დავამტკიცე ოპერაციები, რომლებიც გაგვაძლიერებს. გენერალ-მაიორმა ალექსანდრე პოკლადმა მომახსენა რუსული დივერსიების აღკვეთის თაობაზე. რუსები მუდმივად ცდილობენ უკრაინაზე შიგნიდან ზემოქმედებას, მათ შორის ცნობილ უკრაინელებზე თავდასხმების გზით", - განაცხადა ზელენსკიმ.
დახურვა