ირანის ბალისტიკური რაკეტების მორიგი თავდასხმის გამო, თელ-ავივსა და ცენტრალური ისრაელის სხვა რაიონებში სირენები ჩაირთო. ეს მიმდინარე დღის განმავლობაში უკვე მეორე იერიშია.
ისრაელის არმიის განცხადებით, საჰაერო თავდაცვის სისტემები აქტიურად მუშაობს რაკეტების გასანეიტრალებლად. სამხედრო უწყება მოსახლეობას მოუწოდებს, სირენების ჩართვისას გადავიდნენ დაცულ სივრცეებში და უსაფრთხოების მითითებები მკაცრად დაიცვან.
ირანის მიერ მხარდაჭერილმა ჰუსიტებმა განაცხადეს, რომ განაახლებენ იერიშებს ისრაელზე და საზღვაო გადაზიდვების მარშრუტებზე.
ისრაელის თავდაცვის ძალებმა (IDF) თავშესაფრებში მყოფ მოქალაქეებს მოუწოდეს, ადგილზე დარჩნენ მანამ, სანამ დატოვების ნებართვას არ მიიღებენ.
ირანის ისლამური რევოლუციური გვარდიის კორპუსმა (IRGC) განაცხადა, რომ დაიწყო სარაკეტო და დრონებით თავდასხმების „პირველი ტალღა“. ამ დროისთვის ისრაელში დაშავებულების შესახებ ინფორმაცია არ ვრცელდება.
დახურვა