სახელმწიფო უსაფრთხოების სამსახურმა სუს-ის ყოფილი და შსს-ს მოქმედი თანამშრომელი დააკავა. სუს-ის ინფორმაციით, მას ბრალი ედება სუს-დან საიდუმლო ინფორმაციის გატანაში.
"სახელმწიფო უსაფრთხოების სამსახურის გენერალურმა ინსპექციამ შინაგან საქმეთა სამინისტროს გენერალურ ინსპექციასთან ერთად, ერთობლივად ჩატარებული ღონისძიების ფარგლებში, სუს-ის ყოფილი და ამჟამად შინაგან საქმეთა სამინისტროს მოქმედი თანამშრომელი დააკავა, რომელსაც ბრალი სახელმწიფო უსაფრთხოების სამსახურიდან საიდუმლო ინფორმაციის გატანაში ედება.
გამოძიება სისხლის სამართლის კოდექსის 321-ე მუხლით მიმდინარეობს.
სახელმწიფო უსაფრთხოების სამსახური ყოველთვის განსაკუთრებით მკაცრი და შეუვალი იქნება ნებისმიერი, მცირე მასშტაბის შიდა ინფორმაციის გატანის მიმართაც კი და პირი, რომელიც მსგავს ქმედებას ჩაიდენს, უმკაცრესად იქნება დასჯილი", - ვკითხულობთ განცხადებაში.
სამთავრობო TV იმედის ცნობით, სახელმწიფო უსაფრთხოების სამსახურიდან ინფორმაციის გატანის ბრალდებით დაკავებული, დაცვის პოლიციის მაღალჩინოსანი, ვაკო ბიძიშვილია.
დახურვა