ბაჩო ახალაია სასამართლომ დამნაშავედ ცნო. თავდაცვის ყოფილ მინისტრს სასამართლოზე ნათქვამ ფრაზას - "ბიძინა ივანიშვილი და მისი ხელისუფლება უნდა დაემხოს" ედავებოდნენ.
თბილისის საქალაქო სასამართლოს მოსამართლე რომეო ტყეშელაშვილის გადაწყვეტილებით ბაჩო ახალაიას 2 წლითა და 6 თვით თავისუფლების აღკვეთა მიესაჯა.
განაჩენის გამოცხადებას ბაჩო ახალაია არ დასწრებია.
ახალიას ბრალდება საქართველოს სისხლის სამართლის კოდექსის 317-ე მუხლით ჰქონდა წარდგენილი, რაც გულისხმობს მოწოდებას საქართველოს კონსტიტუციური წყობილების ძალადობით შეცვლისაკენ და სახელმწიფო ხელისუფლების დამხობისაკენ. აღნიშნული სასჯელის სახედ და ზომად 3 წლამდე თავისუფლების აღკვეთას ითვალისწინებს.
დახურვა