რუმინეთის თავდაცვის სამინისტროს ცნობით, ესპანეთის საჰაერო ძალების F-18 გამანადგურებელმა რუმინეთში უცნობი დრონი ჩამოაგდო, რომელმაც ქვეყნის საჰაერო სივრცე დაარღვია.
სამინისტროს განცხადებით, დრონი რუმინეთის საჰაერო სივრცეში მოლდოვის მხრიდან შევიდა.
სამინისტროში განმარტავენ, რომ ესპანეთის საჰაერო ძალების F-18 ტიპის თვითმფრინავმა, რომელიც მიხაილ კოგელნიჩეანუს სახელობის 57-ე საჰაერო ბაზაზე საბრძოლო პატრულირებას ახორციელებდა, სამიზნესთან სარადარო კავშირი დაამყარა და ჩამოგდების ნებართვა მიიღო.
გამანადგურებელმა დრონი დილის 5:01 საათზე დაუსახლებელ ტერიტორიაზე ჩამოაგდო. სამიზნის ნამსხვრევების სავარაუდო ჩამოვარდნის ადგილი გალაცის ოლქში, ბელენისა და კუდალბის სოფლებს შორის მდებარეობს.
ინფორმაცია დამატებითი დრონის შენსახებ ჯერჯერობით არ ვრცელდება.
დახურვა