უკრაინის ზაპოროჟიეს ოლქის დაბა კამიშევახაზე რუსული ძალების მიერ 2 ნოემბერს განხორციელებული დარტყმების მსხვერპლთა რაოდენობა 40 ადამიანამდე გაიზარდა. უკრაინის პრეზიდენტ ვოლოდიმირ ზელენსკის ინფორმაციით, 30-მდე პირი კვლავ დაკარგულად ითვლება, ხოლო შემთხვევის ადგილზე სამაშველო და სამძებრო სამუშაოები უწყვეტ რეჟიმში გრძელდება.
ზელენსკის განცხადებით, რუსეთმა 9 საჰაერო ბომბი დაუშინა სკოლის შენობას, სადაც მშვიდობიანი მოსახლეობისთვის ჰუმანიტარული დახმარების გაცემის პუნქტი მოქმედებდა. იერიშები რამდენჯერმე განმეორდა, რის გამოც განმეორებით დარტყმებს ადგილზე მიღწეული მაშველები და პოლიციელებიც ემსხვერპლნენ. რუსეთის არმიას მომხდარზე კომენტარი ჯერ არ გაუკეთებია.
დახურვა