20 ივნისის აქციას ტექნიკური უნივერსიტეტის სტუდენტებიც უერთდებიან

20 ივნისის აქციას თბილისის სახელმწიფო უნივერსიტეტის, ილიას სახელმწიფო უნივერსიტეტის, ჯიპას, საქართველოს უნივერსიტეტის, კავკასიის უნივერსიტეტის და საქართველოს ეროვნული უნივერსიტეტის გარდა ტექნიკური უნივერისტეტის სტუდენტებიც უერთდებიან.

სტუდენტები 19:00 საათზე ფილარმონიასთან შეიკრიბებიან და 20:00 საათზე პარლამენტთან აქციას შეუერთდებიან.

"საქართველოს ტექნიკური უნივერსიტეტის სტუდენტები ვუერთდებით 20 ივნისს დაგეგმილ აქციას! ვიკრიბებით ფილარმონიასთან 20 ივნისს 19:00 საათზე და მსვლელობით გავემართოთ საქართველოს პატლამენტისკენ!

საქართველოს ევროპული მომავალი საფრთხეშია და სწორედ ამიტომ სტუ-ს სტუდენტები ვუერთდებით 20 ივნისს დაგეგმილ აქციას. საქართველოს მშვიდობიანი მომავლისთვის აუცილებელია, რომ ჩვენ ვიყოთ ევროპული ოჯახის სრულფასოვანი წევრი! შინ ევროპისკენ!" - ნათქვამია განცხადებაში.

აქცია "შინ ევროპისკენ!" პარლამენტის წინ 20:00 საათზე დაიწყება.