ტელეკომპანია „ფორმულას“ დაკვეთით „ედისონ რისერჩის“ მიერ ჩატარებული კვლევის მიხედვით, გამოკითხული მოსახლეობის 85% აცხადებს, რომ კორონავირუსის გავრცელებასთან დაკავშირებულ ამბებს დეტალურად ეცნობა.
ამავე კვლევის თანახმად, დანარჩენი 15% ინფორმაციას ვირუსზე ნაკლებად ეცნობა.
რაც შეეხება მედიის მუშაობას პანდემიის პირობებში, გამოკითხული მოსახლეობის 84% ფიქრობს, რომ საინფორმაციო საშუალებები ვირუსთან დაკავშირებულ საფრთხელ სწორად და ადეკვატურად აფასებენ.
4% მიიჩნევს, რომ მედიები კიდევ უფრო სერიოზულად უნდა აღიქვამდნენ აღნიშნულ საკითხს და 12% ამბობს, რომ რისკები, საინფორმაციო საშუალებების მიერ გაზვიადებულია.
შეგახსენებთ, რომ ტელეკომპანია "ფორმულას" დაკვეთით აღნიშნული კვლევა საერთაშორისო კვლევითმა ორგანიზაციამ "ედისონ რესერჩმა" გასულ კვირას ჩაატარა. ორგანიზაციამ ტელეფონით საქართველოში მცხოვრები 1000 რესპოდენტი გამოკითხა.
დახურვა