logo
ENG



არ ვაპირებ საჯარო დისკუსიაში შევიდე და ვამტკიცო ის, რაც არ ყოფილა - ბასილაშვილი 

24 მაი 202022:26
3 წუთის საკითხავი
clock 3178

ჩოგბურთელი ნიკოლოზ ბასილაშვილი რომელსაც ყოფილი მეუღლე ნელი დოროყაშვილი ძალადობაში  ადანაშაულებს, მიმართვას ავრცელებს.

ბასილაშვილი აცხადებს, რომ მის მიმართ გაჟღერებული ბრალდება სიმართლეს არ შეესაბამება და იმედოვნებს, სასამართლო საქმეზე სამართლიან განაჩენს გამოიტანს.

„ვწუხვარ და ბოდიშს ვუხდი საზოგადოებას, ჩემი ოჯახის ირგვლივ განვითარებული მოვლენების გამო. ვგრძნობ თქვენს ყოველწამიერ მხარდაჭერას და სიყვარულს, რისთვისაც უსაზღვროდ მადლიერი ვარ.

რაც შეეხება, 22 მაისს, განვითარებულ მოვლენებს, ვიმედოვნებ ყველა დეტალი გაირკვევა, ახლა უკვე სასამართლოში და დადგება სამართლიანი განაჩენი, მანამდე კი, არ მსურს ვისაუბრო ჩემს პირად სივრცეზე. არ ვაპირებ საჯარო დისკუსიაში შევიდე ჩემს ყოფილ მეუღლესთან და ვამტკიცო ის, რაც ნამდვილად არ ყოფილა. ის ჩემი ერთადერთი ვაჟიშვილის, ლუკასის, დედაა და ასე დარჩება ცხოვრების ბოლომდე, ჩემი მიზანია ცხოვრების ამ რთულ ეტაბზე დავიცვა ჩემი სიმართლე ისე, რომ არ დაზიანდეს ლუკასის ინტერესები. სწორედ ჩემ შვილთან, განსაკუთრებული დამოკიდებულება ვალდებულს მხდის, არ ვუპასუხო უსაფუძვლო ბრალდებებს, თუმცა მჯერა, რომ სიმართლეს სასამართლოში, ჩემი იურისტების დახმარებით აუცილებლად დავამტკიცებ“, - აცხადებს ნიკოლოზ ბასილაშვილი.

შეგახსენებთ, რომ ბასილაშვილი ცოლის ცემის ბრალდებით 22 მაისს დააკავეს. მას 100 000-ლარიანი გირაო შეეფარდა.


close დახურვა