logo

შაქარაშვილის საქმის მოწმე ბილანიშვილმა დნმ-ის ნიმუში ჩააბარა

clock 0 clock 248 clock 01 აგვ 202017:55
as0zhp4o7f075tj.jpg

ავთანდილ ბილანიშვილმა, მეტსახელად კაწრომ, რომელიც გიორგი შაქარაშვილის საქმესთან დაკავშირებით მოწმის სახით არის გამოკითხული, დნმ-ის ნიმუში სამხარაულის სახელობის ექსპერტიზის ეროვნულ ბიუროში ნებაყოფლობით ჩააბარა. ამის შესახებ მისი ადვოკატი ტელეკომპანია „ფორმულასთან“ საუბრობს. 

თამარ აბესაძის განცხადებით, ბილანიშვილთან დაკავშირებით ზედმეტი კითხვები რომ არ გაჩენილიყო, მან დნმ-ს ნიმუში ნებაყოფლობით ჩააბარა.

„გამოძიებას აქვს ამის უფლებამოსილება, რომ პირი დაიბაროს და ნებაყოფლობით ჩააბარებინოს დნმ-ის ნიმუში. გამოძიება დაინტერესებულია ყველა იმ პირით, ვისზეც ეჭვი არის გამოთქმული. ეს იმიტომ გააკეთა, რომ არ იყოს კითხვები, არ იყოს გაურკვევლობა, არ იყოს სხვადასხვა ქალი ჟურნალისტის მიერ ჭორაობის დონეზე გამოთქმული ვარაუდი, რომ ავთანდილ ბილანიშვილი გარბის, ან კიდევ ვინმე ხელს აფარებს. არც პოლიციელი მფარველობს „კაწროს“, არც ქვეყნიდან არ გარბის და დნმ-იც ჩააბარა დღეს ნებაყოფლობით, რათა არ იყოს კითხვები მასთან დაკავშირებით“, - განაცხადა თამარ აბესაძემ „ფორმულასთან“ საუბრისას.

შეგახსენებთ, რომ ავთანდილ ბილანიშვილის, იგივე კაწროს, სახელი 19 წლის ფეხბურთელის გიორგი შაქარაშვილის საქმეში რამდენჯერმე გამოჩნდა.

კერძოდ, "მთავარი არხისა" და ნიკა გვარამიას მტკიცებით, ის ბიძინა ივანიშვილის ოჯახთან დაახლოებული პირია და დამნაშავეთა სასარგებლოდ საქმის ჩაფარცხვას ცდილობს.

ასევე წაიკითხეთ
close დახურვა