შატილის გზაზე მომხდარი ავტოავარიის გამო 25 აგვისტოს ანსამბლი სუხიშვილების კონცერტი "არტეფაქტები" არ ჩატარდება. ამის შესახებ ინფორმაციას ანსამბლი სოციალურ ქსელში ავრცელებს.
"შატილის გზაზე მომხდარმა ავტოკატასტროფამ ყველანი შეგვძრა. გულწრფელად ვუსამძიმრებთ დაღუპულთა ოჯახებსა და ახლობლებს.
25 აგვისტოს ოფიციალურ გლოვის დღედ გამოცხადების გამო, ხვალინდელი კონცერტი "არტეფაქტები" არ ჩატარდება", - წერია განცხადებაში.
მთავრობის გადაწყვეტილებით, 25 აგვისტო გლოვის დღედ გამოცხადდა. შატილის გზაზე ავტოავარიის შედეგად 17 ადამიანი დაიღუპა, 3 კი მძიმედ დაშავდა. შემთხვევა გუშინ მოხდა. სამგზავრო მიკროავტობუსი დაახლოებით 80 მეტრის სიმაღლიდან კლდოვან ფერდობზე გადავარდა.
მომხდარ ფაქტზე გამოძიება საქართველოს სსკ-ის 276-ე მუხლით დაიწყო.
დახურვა