ტოლერანტობის და მრავალფეროვმნების ინსტიტუტი მიტროპოლიტ იოანე გამრეკელის განცხადებას ეხმაურება, რომელშიც აღნიშნულია, რომ დეკანოზ ილია კარკაძის 4 იანვრის ქადაგება "სრულად წარმოადგენს უსაფუძვლო ბრალდებებს ებრაელი ერის ან ცალკეული წარმომადგენლების მიმართ. არ ეფუძნება ეკლესიის სწავლებას და გამსჭვალულია ანტისემიტური პათოსით".
განცხადებაში მიტროპოლიტი ასევე აღნიშნავს, რომ მან დეკანოზ ილია კარკაძეს შენიშვნა გამოუცხადა და რომ დეკანოზი წუხს ნათქვამი სიტყვების გამო.
TDI მიტროპოლიტის მიერ დეკანოზ ილია კარკაძის განცხადებას მიესალმება, თუმცა მიიჩნევს, რომ აღნიშნული რეაქცია არასაკმარისია. არასამთავრობო ორგანიზაცია თვლის, რომ მიტროპოლიტმა იოანემ თავისი განცხადების გამო ბოდიში უნდა მოიხადოს.
"მივესალმებით მიტროპოლიტის მიერ დეკანოზ ილია კარკაძის ანტისემიტური განცხადების კრიტიკულად შეფასებას და მივიჩნევთ, რომ ამ საკითხთან დაკავშირებით გადადგმული პირველი სწორი ნაბიჯია. თუმცა, ამავდროულად, ვთვლით, რომ აღნიშნული რეაგირება არასაკმარისია ეკლესიაში არსებული ანტისემიტიზმის და შეუწყნარებლობის პრობლემის დასაძლევად.
სწორედ მიტროპოლიტ იოანე გამრეკელის 20 დეკემბრის ქადაგებამ დაუდო საფუძველიანტისემიტიზმის ახალ ტალღას, რასაც შემდეგ დეკანოზ ილია კარკაძის განცხადებები მოჰყვა. ამიტომ, მნიშვნელოვანია, რომ მიტროპოლიტმა იოანემ შეაფასოს საკუთარი ქადაგებისპრობლემურობაც და ბოდიში მოიხადოს ანტისემიტური შინაარსის განცხადებებისთვის",- ნათქვამია გამცხადებაში.
შეგახსენებთ, ქუთათელ-გაენათელმა მიტროპოლიტმა, იოანე გამრეკელმა ანტისემიტური ქადაგებისას ებრაელებს უწოდა "ქრისტიანთა მდევნელი" და "ურწმუნო მოდგმა". მიტროპოლიტმა აღნიშნა, რომ "ბრძოლა დღესაც გრძელდება, ეს ეთნიკური ნიშნით არ განისაზღვრება, ეს არის ურწმუნო მოდგმის ბრძოლა ეკლესიის წინააღმდეგ". მან პარალელი გაავლო ებრაელებს, "ურწმუნო მოდგმასა" და უფლებადამცველებს შორის, რომლებიც დღეს ეკლესიას აკრიტიკებენ და შესაბამისად, ამით იუდაური თემის გზას აგრძელებენ.
ორგანიზაცია ტოლერანტობისა და მრავალფეროვნების ინსტიტუტი (TDI) გამოეხმაურა ქუთათელ-გაენათელი მიტროპოლიტის, იოანე გამრეკელის ანტისემიტურ ქადაგებას და მას "უკიდურესად შემაშფოთებელი" უწოდა.
იოანე გამრეკელის ქადაგებას საქართველოს ელჩი ისრაელში, ლაშა ჟვანიაც გამოეხმაურა. მან თქვა, იოანე გამრეკელს ანტისემიტური განცხადება არ გაუკეთებია. ჟვანიას მტკიცებით, "მეუფე იოანე მეოთხე საუკუნეში მომხდარ კონკრეტულ არასასიამოვნო ფაქტზე".
დახურვა