ქალთა N5 პენიტენციურ დაწესებულებაში ორ ბრალდებულს Covid 19 დაუდასტურდა - ინფორმაციას პენიტენციური სამსახური ავრცელებს.
როგორც უწყების მიერ გავრცელებული განცხადებით ვიგებთ, ინფიცირებულების მდგომარეობა სტაბილურია. ორივე ბრალდებული არის ექთნის კონტაქტი, რომელსაც კორონავირუსი 20 მარტს დაუდასტურდა.
„ინფიცირებული პირების მდგომარეობა სტაბილურია. ისინი მედპერსონალის მეთვალყურეობის ქვეშ იმყოფებიან და შესაბამის სამედიცინო მომსახურებას იღებენ სამოქალაქო სექტორის კლინიკაში.
აღსანიშნავია, რომ ორივე ბრალდებულს უშუალო შეხება ჰქონდა ამავე დაწესებულების ექთანთან, რომელსაც 20 მარტს დაუდასტურდა ვირუსი. რაც შეეხება ინფიცირებული პირების კონტაქტებს, მოხდა მათი შემოწმება PCR ტესტებით და ყველა პასუხი უარყოფითია", - ვკითხულობთ განცხადებაში.
დახურვა