სამედიცინო და ფარმაცევტული საქმიანობის რეგულირების სააგენტომ 2 სტომატოლოგიურ კლინიკაში აზოტის ქვეჟანგის, ე.წ. მალხენი აირის უკანონოდ გამოყენების შემთხვევები გამოავლინა.
სააგენტოს ცნობით, ინჰალაციური ანესთეზიას ის სტომატოლოგები იყენებდნენ, რომლებსაც შესაბამისი სერტიფიკატი არ გააჩნდათ.
გარდა ამისა, სააგენტო მიუთითებს, რომ აზოტის ქვეჟანგი საქართველოს ბაზარზე რეგისტრირებული არ არის.
ფარმაცევტული პროდუქტები დაილუქა და სტომატოლოგიურ კლინიკებს ჩამოერთვა. უკანონო საექიმო საქმიანობისთვის კი 4 სტომატოლოგის საქმეზე პროფესიული განვითარების საბჭო იმსჯელებს.
დახურვა