სალხინოს წმინდა ამბროსის სახელობის ზოგად საგანმანათლებლო სკოლა პანსიონის სატრაპეზოს 10-მდე თანამშრომელი პროტესტის ნიშნად გაიფიცა.
ისინი პანდემიის პერიოდში არსებული დანამატის მოხსნას აპროტესტებენ.
გაფიცულები ჭყონდიდის ეპარქიის ამჟამინდელ მმართველთან შეხვედრას და პრობლემის მოგვარებას ითხოვენ.
მათ ასევე თქვეს, რომ მიტროპოლიტი სტეფანესგან მიიღეს პასუხი: "თუ ბოიკოტი უნდათ, განაგრძონ".
გაფიცულები მათი მოთხოვნების არ დაკმაყოფილების შემთხვევაში პროტესტის გაგრძელებას აანონსებენ.
თავად ეპისკოპოსი მედიასთან დეტალებზე არ ლაპარაკობს და აცხადებს, რომ ის, რაც სკოლაში ხდება, "ტელევიზიის გადასაწყვეტი არ არის".
დახურვა