ეკონომიკის სამინისტროს ინფორმაციით, ზაფხულის სანავიგაციო სეზონზე ავიაკომპანია Wizz Air მილანის, პრაღის, ათენის, სალონიკის, ლარნაკასა და მემინგენის მიმართულებით ფრენებს აღადგენს.
მათი ცნობით, სეზონის ბოლომდე ფრენები კვირაში 1 სიხშირით შესრულდება. ავიაბილეთები უკვე ხელმისაწვდომია ვიზეიარის ვებგვერდზე.
"ჯამში, ამ ეტაპზე, ქუთაისიდან ევროპაში პირდაპირი საჰაერო გზით მოხვედრა 9 ქვეყნის 14 მიმართულებით იქნება შესაძლებელი. ივლისის თვეში ქუთაისის საერთაშორისო აეროპორტიდან 153 ფრენა პირდაპირი რეგულარული რეისით შესრულდება. აქედან, 111 პირდაპირი რეისი ევროპის მიმართულებით, ხოლო 42 ცენტრალური აზიის მიმართულებით შესრულდება. ორივე ავიაკომპანია, როგორც ვიზეარი, ისე FLYARYSTAN ეტაპობრივად, ზაფხულის სეზონზე როგორც მიმართულებების, ისე სიხშირეების გაზრდას გეგმავს", - ამბობენ სამინისტროში.
გარდა ამისა, დღეს, 29 ივნისს ეკონომიკის მინისტრმა ნათია თურნავამ თქვა, რომ 1-ლი ივლისიდან ქუთაისის აეროპორტში ვიზეარის ბაზა ბრუნდება.
დახურვა