logo
ENG

IRI: ოცნება 26%, ნაციონალური მოძრაობა 14%, გახარიას პარტია 9%

02 აგვ 202117:24
3 წუთის საკითხავი
clock 5137
2021/08/02/kq3ck2mwtvs9ub6.png

საერთაშორისო რესპუბლიკური ინსტიტუტის (IRI) კვლევის თანახმად, რომელიც 15-დან 30 ივნისამდე პერიოდში ჩატარდა, 2021 წლის ოქტომბრის თვითმმართველობის არჩევნები მომავალ კვირას რომ ტარდებოდეს, რომელ პარტიას მისცემდით ხმას, მოსახლეობის 26% ამბობს, რომ მისი პირველი არჩევანია ქართული ოცნება, 4% ამ პარტიას მეორე არჩევანად ასახელებს.

14% ამბობს, რომ მისი პირველი არჩევანია ნაციონალური მოძრაობა - გაერთიანებული ოპოზიცია ძალა ერთობაშია, 3%-ის თქმით კი, გაერთიანება მისთვის მეორე არჩევანია. 

მესამე ადგილს გიორგი გახარიას პარტია საქართველოსთვის 9%-ით იკავებს, ეს პარტია მეორე არჩევანია მოსახლეობის 8%-ისთვის.

დანარჩენი პარტიების რეიტინგები ასე გამოიყურება:

მათგან, ვინც ამბობს, რომ არჩევნებზე წავა, 28% პირველ არჩევანად ქართულ ოცნებას ასახელებს, მეორედ - 5%. 

ნაციონალური მოძრაობა - გაერთიანებული ოპოზიცია ძალა ერთობაშიას ხმას 15% მისცემდა, მეორე არჩევანად გაერთიანებას 3% ირჩევს.

რაც შეეხება გახარიას პარტიას, მას 9%-იანი მხარდაჭერა აქვს, ასევე 9%-ის მეორე არჩევანია ეს პარტია.

დანარჩენი პარტიების რეიტინგები ასე გამოიყურება:

კვლევის საველე სამუშაოები 15-დან 30 ივნისამდე პერიოდში, პირისპირ ინტერვიუების სახით ჩატარდა. გამოიკითხა საქართველოში მცხოვრები 1 500 მოქალაქე, 18 წლის ან უფროსი ასაკის. ის წარმომადგენლობითია საქართველოს მთლიანი მოსახლეობისა ასაკის, სქესის, რეგიონის და დასახლების ზომის მიხედვით.ცდომილების ზღვარი +/-2.5%-ია.

close დახურვა