გორის მუნიციპალიტეტის ტრანსპორტის სააგენტოს ინფორმაციით, გორში მუნიციპალური ტრანსპორტის მოძრაობა ჩვეულ რეჟიმში გრძელდება.
როგორც სააგენტოს განცხადებაშია ნათქვამი, ქალაქების ჩამონათვალში, სადაც მოძრაობა შეიზღუდა, გორი არ შედის.
"როგორც იცით, 14 აგვისტოდან 4 სექტემბრამდე საქართველოს ზოგიერთ ქალაქში მუნიციპალური ტრანსპორტი არ იმოძრავებს. უწყებათაშორისი საკოორდინაციო საბჭოს გადაწყვეტილებით, ამ ქალაქების ჩამონათვალში არ შედის გორი, შესაბამისად, გორში მუნიციპალური ტრანსპორტი ჩვეული რეჟიმით იმოძრავებს", - წერია სააგენტოში.
მთავრობის დადგენილებით, დღეიდან 4 სექტემბრამდე მუნიციპალური ტრანსპორტის მოძრაობა შეიზღუდა, ასევე მასობრივი ღონისძიებები და ფესტივალები აიკრძალა და შეიზღუდა გასართობი ცენტრების ფუნციონირება.
დახურვა