5 ივლისის საქმეზე თბილისის საქალაქო სასამართლომ გიორგი თაბაგარი სამართალდამრღვევად სცნო და სიტყვიერი შენიშვნა მისცა.
ბრალდების მხარე მისთვის 15-დღიან პატიმრობას მოითხოვდა. ბრალდება ამბობს, რომ 5 ივლისს, როცა ძალადობრივი ჯგუფები თავს დაესხნენ ჟურნალისტებს და თბილისი პრაიდის ოფისი დაარბიეს, თაბაგარმა პოლიციელს ტელეფონით აგინა.
საქმის წარმოების დაწყების შესახებ თაბაგარმა 4 სექტემბერს განაცხადა. როგორც თაბაგარი ყვებოდა, ძალადობრივი კონტრაქციის დროს უსაფრთხო ადგილისკენ მიდიოდნენ, როცა პოლიციელმა დაურეკა და ოფისის გაღება სთხოვა, რომ ზარალი აღეწერათ:
"იმდენად არაადეკვატური იყო ეს ზარი მთელი თავისი არსით, რომ ამ ტიპს ვაგინე. პოლიცია, რომელიც არსად არ იყო იმ დღეს, სადაც სიცოცხლის მოსპობის რეალური რისკები იდგა, 5 ივლისს 3 საათზე მირეკავდა, ოფისის კარი გამიღე რომ დავათვალიეროთო".
5 ივლისის ძალადობრივი კონტრაქციის რამდენიმე წევრი დაკავებულია და ციხეში იმყოფება, თუმცა თითქმის სამი თვის თავზე აქციის ორგანიზატორები ჯერ კიდევ არ დაუკავებიათ.
ჰომოფობიური ჯგუფების ძალადობის შედეგად დაშავდა 50-ზე მეტი ჟურნალისტი. ისინი ქუჩაში უსწორდებოდნენ გამვლელებს. 5 ივლისს ნაცემი ოპერატორი, ლექსო ლაშქარავა კი რამდენიმე დღეში გარდაიცვალა.
დახურვა