ფინეთის პარლამენტმა NATO-ში გაწევრიანების განაცხადის შეტანას მხარი დაუჭირა. ინფორმაციას ფინეთის პარლამენტი ავრცელებს.
მათივე ცნობით, გადაწყვეტილებას მხარი 118-მა დეპუტატმა დაუჭირა, 8 კი წინააღმდეგ წავიდა.
"პარლამენტი მხარს უჭერს ფინეთის განცხადებას NATO-ში გაწევრიანების შესახებ. პარლამენტმა გადაწყვეტილება საგარეო ურთიერთობათა კომიტეტის ანგარიშის შესაბამისად, 188 ხმით 8-ის წინააღმდეგ მიიღო", - ნათქვამია პარლამენტის Twitter-ის გვერდზე.
12 მაისს ფინეთის პრეზიდენტმა და პრემიერმინისტრმა განაცხადეს, რომ NATO-ში გაწევრიანებას მხარს უჭერენ. როგორც პრემიერისა და პრეზიდენტის ერთობლივ განცხადებაშია აღნიშნული, ალიანსში გაწევრიანებაზე განაცხადი დაუყოვნებლივ უნდა გაკეთდეს.
ფინეთთან ერთად, უახლოეს მომავალში გაწევრიანების შესახებ განაცხადს ელოდებიან შვედეთისგანაც.
NATO-ს გენერალური მდივანი, იენს სტოლტენბერგი აღნიშნავს, რომ განაცხადის გაკეთების შემთხვევაში ფინეთს ალიანსში თბილად მიიღებენ.
ჰელსინკის განაცხადს გამოეხმაურნენ მოსკოვშიც. რუსეთი ფინეთის მისწრაფებას "საფრთხეს" უწოდებს.
დახურვა