სამხრეთ აფრიკის რესპუბლიკაში, სოუეტოს დასახლებაში ერთ-ერთ ტავერნაში შეიარაღებულმა ჯგუფმა 15 ადამიანი მოკლა და 9 დაჭრა.
პოლიციის ცნობით,თავდამსხმელები ორლანდოს აღმოსავლეთ ტავერნაში კვირას, გამთენიისას შევიდნენ და სტუმრებს განურჩევლად დაუწყეს სროლა.
დაღუპულთა ასაკი 19-დან 35 წლამდე მერყეობს. BBC-ის ცნობით, რამდენიმე დაშავებულის მდგომარეობა მძიმეა.
შემთხვევის ადგილიდან ისინი თეთრი მინი ავტობუსით მიიმალნენ. თავდასხმის მოტივი და თავდამსხმელთა რაოდენობა ამ დროისთვის უცნობია.
პოლიციის განცხადების მიხედვით ჯგუფი ავტომატებითა და 9 მმ-იანი პისტოლეტებით იყო შეიარაღებული.
სამხრეთ აფრიკის პოლიციამ ასევე განაცხადა რომ გუშინ ღამით სროლა იყო სარ-ის სიდიდით მეორე ქალაქ პიტერმარიცბურგში არსებულ ტავერნაშიც, რომელიც სოუეტოდან 500 კმ-ის დაშორებით მდებარეობს. პიტერმარიცბურგში თავდასხმას 4 ადამიანი ემსხვერპლა.
2022 წლის მონაცემებით, სამხრეთ აფრიკა დანაშაულის დონით მსოფლიოში მესამე ადგილს იკავებს. აქ ყოველ წელს დაახლოებით 20 000 ადამიანს კლავენ.
დახურვა