საეჭვო გადარიცხვები ალტ-ინფოს პარტიულ სალაროში

ძალადობრივი ალტ-ინფოს შემოსავლების კანონიერებას აუდიტის სამსახური სწავლობს. პარალელურად უკვე გამოიკვეთა საეჭვო სქემა, რომელიც რადიო თავისუფლებამ გამოააშკარავა. პრორუსულ ორგანიზაციას, ე.წ კონსერვატიულ პარტიას ფულს ურიცხავენ რეგიონული ოფისების ხელმძღვანელები. შემოწირულობა ზუსტად ერთი და იმავე ოდენობით, ყოველ თვე ერთსა და იმავე რიცხვში ირიცხება. ეს სპეციალისტებისთვის არალეგალური რუსული ფულის პოლიტიკაში დაბანდების საეჭვო სქემაა.