ზუგდიდიდან ქუთაისამდე - დროება

მძევლებს გაუმართლა - ამ ორ სიტყვაში შეიძლება ჩავატიოთ ქუთაისში მძევლების დრამის მშვიდობიანად დასრულება. გაუმართლა მძევლებს, მთელ ქუთაისს, მთელ ქვეყანას და რაღა თქმა უნდა პირველ პოლიციელს და მის უწყებას. გაუმართლა იმაში, რომ ამავე ბანკის ყოფილ თანამშრომელს მძევლები უკანა კარიდან გაექცნენ. ვიცი სიტყვამ "გაუმართლა" ახლა ბევრი გააღიზიანა, განსაკუთრებით ისინი, ვინც სპეცოპერაციის მშვიდობიანად დასრულების შემდეგ გომელაური შეაქო და ტაშიც დაუკრა, მაგრამ თუ საზოგადოებამ ბოლომდე არ გაიგო, რა მოხდა, ეჭვები ამ საზოგადოებაში სულ იქნება.