უკრაინის პრემიერმინისტრმა დენის შმიჰალმა განაცხადა, რომ შესაძლებელია ელექტროენერგიის დაგეგმილ გათიშვაზე უარის თქვას იმ პირობით, თუ მისი მოხმარება 17:00-დან 22:00 საათამდე მთლიან უკრაინაში ელექტროენერგიის მოხმარება 25%-ით შემცირდება.
"მადლობელი ვართ ყველა უკრაინელის, რომლებმაც შეგნებულად შეამცირეს ელექტროენერგიის მოხმარება გუშინ და გუშინწინ. მთლიანობაში დანაზოგმა შეადგინა 10%."- განაცხადა შმიჰალმა.
მან აღიარა, რომ ეს ზამთარი რთული იქნება.
"ამიტომ, კიდევ ერთხელ მოვუწოდებთ ყველას, კარგად მოემზადონ ზამთრისთვის. სასურველია, თითოეულ ოჯახს ჰქონდეს საჭირო ელემენტარული ნივთების მარაგი: თბილი ტანსაცმელი, სანთლები, ფანრები, ბატარეები. მნიშვნელოვანია ამის მომზადება თუ მასიური სარაკეტო თავდასხმების შემთხვევაში გაითიშება სინათლე ან გათბობა. ჩვენი მხრივ, ადგილობრივ ხელისუფლებასთან ერთად დავაგროვეთ საკმარისი რაოდენობის ენერგორესურსებს, მოვამზადეთ ქსელებს, შევიძინეთ დამატებითი აღჭურვილობას და განვახორციელებთ დაზიანებული ინფრასტრუქტურის შეკეთებას."- ამბობს უკრაინის პრემიერმინისტრი.
მისი თქმით, ამჟამად ქვეყანაში გათბობის სეზონისთვის მზადყოფნა 90%-ზე მეტია. ასევე მომზადდა მოსახლეობისთვის სპეციალური გათბობის პუნქტები და შემუშავდა ევაკუაციის გეგმები კრიტიკული ინფრასტრუქტურის სწრაფი აღდგენის შეუძლებლობის შემთხვევაში.
დახურვა