დიდი ბრიტანეთის ახალი პრემიერმინისტრი რიში სუნაკი უკრაინის პრეზიდენტ ვოლოდიმირ ზელენსკის ტელეფონით ესაუბრა.
სუნაკმა ზელენსკისა და უკრაინელ ხალხს სოლიდარობა და მხარდაჭერა გამოუცხადა.
"ჩვენ ყოველთვის ვიქნებით უკრაინის გვერდით", - წერს სუნაკი Twitter-ზე.
A privilege to speak to the President of Ukraine @ZelenskyyUa this evening.
Both he and the Ukrainian people can count on the UK's continued solidarity and support.
We will always stand with Ukraine. pic.twitter.com/ycVr3K0DVS
25 ოქტომბერს რიში სუნაკი ბრიტანეთის პრემიერმინისტრი ოფიციალურად გახდა. პრემიერობისთვის ბრძოლა რიში სუნაკისთვის მხოლოდ მეორედ აღმოჩნდა წარმატებული - პირველად ის ლიზ ტრასთან დამარცხდა, თუმცა დარწმუნებული იყო, რომ თავისი კონკურენტის გეგმები ქვეყანას ეკონომიკურ ქაოსში ჩააგდებდა.
ბოლო ერთ წელში სუნაკი ქვეყნის მესამე პრემიერმინისტრია და 42 წლის ასაკში ბოლო ორი საუკუნის განმავლობაში ყველაზე ახალგაზრდა პრემიერმინისტრი იქნება.
დიდი ბრიტანეთის პრემიერმინისტრი ლიზ ტრასი თანამდებობიდან 20 ოქტომბერს გადადგა. ტრასის თქმით, ის პრემიერის როლში საკუთარ მანდატს ვერ ასრულებდა.
დახურვა