უკრაინის პარლამენტის, ვერხოვნა რადას თავმჯდომარე, რუსლან სტეფანჩუკი აცხადებს, რომ უკრაინა ელის, რომ ჩრდილოატლანტიკურ ალიანსში გაწევრიანების მიწვევას ვილნიუსში დაგეგმილ NATO-ს სამიტზე მიიღებს.
ამის შესახებ მან დღეს, ეროვნულ ტელემარათონის ეთერში ისაუბრა.
"ჩვენ ველით, რომ ვილნიუსის სამიტზე უკრაინა მიიღებს ამ მოწვევას და დაიწყებს საკუთარ გზას ალიანსამდე" - განაცხადა სტეფანჩუკმა.
მან ასევე აღნიშნა, რომ მიუნხენის უსაფრთხოების კონფერენციის პარალელურად ერთ-ერთი საკითხი რომელიც განიხილება უკრაინის NATO-ში მიწვევაა.
ვილნიუსში NATO-ს სამიტი 2023 წლის 11-12 ივლისსაა დაგეგმილი.
15 თებერვალს NATO-ს გენერალურმა მდივანმა იენს სტოლტენბერგმა განაცხადა, რომ „უკრაინა ალიანსის წევრი გახდება, მაგრამ ახლა ის [NATO] ორიენტირებულია იმაზე, რომ უკრაინამ ომი მოიგო”.
2022 წლის 30 სექტემბერს უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ ჩრდილოატლანტიკურ ალიანსში დაჩქარებული წესით გაწევრიანების განაცხადს ხელი მოაწერა.
დახურვა