დიდი შვიდეულის ქვეყნებმა იაპონიაში გამართულ სამიტზე უკრაინაში რუსეთის აგრესიული ომი კიდევ ერთხელ დაგმეს და უკრაინას მხარდაჭერა გამოუცხადეს.
G7-ის წევრების საერთო განცხადებაში ასევე აღნიშნულია, რომ ისინი გააძლიერებენ უკრაინისადმი დიპლომატიურ, ფინანსურ და სამხედრო დახმარებას და უკრაინას მშვიდობის დამყარებამდე ურყევ მხარდაჭერას უცხადებენ.
"კიდევ ერთხელ ვგმობთ ყველაზე მტკიცე ფორმებით უკრაინის წინააღმდეგ რუსეთის აგრესიას, რომელიც საერთაშორისო სამართლის, მათ შორის გაეროს ქარტიის სერიოზულ დარღვევას წარმოადგენს. რუსეთის სასტიკი აგრესიული ომი წარმოადგენს საფრთხეს მთელი მსოფლიოსთვის, საერთაშორისო საზოგადოების ფუნდამენტური ნორმების, წესებისა და პრინციპების დარღვევით. ჩვენ ხელახლა ვუცხადებთ ურყევ მხარდაჭერას უკრაინას, სანამ საჭირო იქნება ყოვლისმომცველი, სამართლიანი და განგრძობადი მშვიდობისთვის.
ჩვენ გამოვაქვეყნეთ დიდი შვიდეულის ლიდერების განცხადება უკრაინის შესახებ და მკაფიო მიზნითა და მასში გაწერილი კონკრეტული ქმედებებით, უკრაინისთვის ჩვენი დიპლომატიური, ფინანსური, ჰუმანიტარული და სამხედრო მხარდაჭერის გაძლიერების ვალდებულებას ვიღებთ, რათა გავუზარდოთ ფასი რუსეთს და მათ ვინც მხარს უჭერს ომის ძალისხმევას და გავაგრძელებთ დანარჩენ მსოფლიოზე ომის ნეგატიური გავლენასთან დაპირისპირებას, განსაკუთრებით ყველაზე მოწყვლად ადამიანებზე." - წერია განცხადებაში.
დახურვა