CNN-ის ცნობით, სამართალდამცველებმა კაპიტოლიუმის შენობაში და რესპუბლიკელთა ნაციონალური კომიტეტის ოფისში ორი ხელნაკეთი ბომბი იპოვეს და გაანეიტრალეს.
სამართალდამცველი ორგანოების წარმოამდგენლის ცნობით, მოწყობილობები აფეთქების რეალურ საფრთხეს შეიცავდა.
CNN-ის ცნობით, კაპიტოლიუმის შენობაში დემონსტრანტების შეჭრის შედეგად რამდენიმე სამართალდამცველია დაშავებული. მინიმუმ ერთ-ერთი მათგანი საავადმყოფოში უკვე გადაიყვანეს.
რამდენიმე წუთის წინ CNN-მა ასევე გაავრცელა ინფორმაცია, რომ შენობაში ერთ-ერთი ქალი გულ-მკერდის არეშია დაჭრილი.
ცოტა ხნის წინ სამართალდამცველებმა კაპიტოლიუმში სენატის ფრთიდან შეჭრილი დემონსტრანტები გამოაძევეს, ამ დრომდე უცნობია, თუ რა ხდება წარმომადგენელთა პალატის მხარეს.
აშშ-ის მოქმედმა და არჩეულმა პრეზიდენტებმა ბაიდენმა და ტრამპმა დემონსტრანტებს კაპიტოლიუმის შენობის დატოვებისკენ და სიმშვიდის შენარჩუნებისკენ მოუწოდეს.
ტრამპის მხარდამჭერები კაპიტოლიუმის შენობაში ადგილობრივი დროით 14:30 სთ-ზე შეიჭრნენ.
დახურვა