ისრაელის თავდაცვის ძალების განცხადებით, მოკლეს ჰამასის ერთ-ერთი მეთაური, რომელსაც ღაზის საავადმყოფიში მძევლად დაახლოებით 1000 ადამიანი ჰყავდა აყვანილი.
საუბარია აჰმედ სიამზე, რომელზეც, IDF-ის ცნობით, სამხედრო დაზვერვის მიერ შეგროვებული ინფორმაციის შემდეგ, გამანადგურებელი თვითმფრინავით მიიტანეს იერიში. მათი თქმით, ის ამ დროს ალ-ბურაქის სკოლაში იმალებოდა.
"აჰმედ სიამის შემთხვევა კიდევ ერთხელ ადასტურებს, რომ ჰამასი ღაზის სექტორის მშვიდობიან მოსახლეობას ტერორისტული მიზნებისთვის ადამიანურ ფარად იყენებს", - აცხადებს IDF.
ორი დღის წინ თავდაცვის ძალებმა განაცხადეს, რომ სიამს 1000 პალესტინელი ჰყავს დატყვევებული და მათ საავადმყოფოს დატოვების საშუალებას არ აძლევს.
დახურვა